— 166 —
,,Dijikaloe kau perloe oewang, Mylord, djangan sangsi djoeal itoe barang jang akoe kasi pada kau, kaloearken intennja dan djoeal pada saorang Jahoedi, akoe kira Kau nanti bisa dapet lima atawa anem poeloe riboe francs; djikaloe perloe goenaken itoe oewang, tapi djaga, soepaja ini doea orang dapet rawatan sebagimana moestinja, jaitoe sebagi Radja radja."
Permisoeri soeda sedia doea soerat, satoe ia toelis sendiri dan satoe lagi ditoelis oleh prinses Henriette, doea doea itoe soerat ditoelis boeat Radja Karel. Satoe soerat Permisoeri kasi pada Athos dan satoe pada Aramis, soepaja djikaloe iaorang kepaksa boeat berpisa, masing masing ada poenja ketrangan boeat poedjiken dirinja pada Radja Inggris. Seabisnja berborat begitoe Permisoeri djalan masoek.
Bertiga iaorang djalan kaloear, tapi. di betoelan tangga de Winter brenti dan kata:
,,Kita moesti ambil masing masing poenja djalanan, soepaja djangan sampe orang djadi tjoeriga. Ini malem djem poekoel sembilan kita nanti koempoel di pintoe kota Saint Denis. Kita nanti brangkat dengen akoe poenja koeda sebrapa djaoe kita bisa djalanken, kamoedian kita nanti pake kreta post. Lagi sekali trima kasi, sobat sobat, dari akoe dan atas namanja Permisoeri.“
ltoe tiga orang bangsawan kasi tangan satoe pada laen; de Winter djalan di Saint Honore Straat, Athos dan Aramis djalan sama sama.
,,Begimana kau pikir dari ini perkara?" menanja Aramis koetika iaorang berdoea.
,,Djelek, sanget djelek, kata Athos.
— ,,Kenapa kau begitoe girang ingin djalanken ini perkara?"
