— 167 —
— „Satoe haloean baek, maski itoe pakerdja'an ada sanget soesa dan banjak bahajanja, toch akoe soeka djalanken djoega. Satoe Radja tjoema bisa tetep atas tachta karadja'annja dengen pertoeloengan dari orang orang bangsawan, tapi orang bangsawan melaenken ada harganja djikaloe masi ada Radja radja. Oleh kerna itoe perloe kita toendjang karadja'an dan dengen berboeat begitoe kita djadi toendjang keada'an kita sendiri.“
„Kita pergi di sana sama djoega kita sengadja anterin diri boeat iaorang boenoe; akoe bentji itoe orang orang Inggris, adatnja kasar sama djoega laen laen bangsa jang soeka minoem bier.“
— „Apa kau kira kita lebi baek tinggal diam di sini dan satoe tempo dikasi masoek di Bastille atawa di Vincennes, sebab kita soeda toeloeng toean de Beaufort lari? O! demi kahormatankoe, Aramis, djangan boeat menjesel ini poetoesan jang kita ambil, kita lari, sebab kwatir dikasi masoek dalem pendjara dan kita poenja lari dianggep sebagi satoe pakerdja'an moelia, mana lebi baek ?“
— „Itoe betoel, tapi dalem sekalian oeroesan,ada satoe perkara jang tiada boleh diloepaken. Apa kau ada sedia oewang?“
— „Kira kira saratoes pistol, oewang sewa jang akoe baroe trima koetika akoe maoe brangkat dari Bragelonne; tapi dari itoe oewang akoe moesti tinggalken limapoeloe boeat Raoul, djadi boeat akoe tinggal limapoeloe pistol, Kau begimana?“
—„Tentang atoe poenja keada'an, akoe kira djikaloe akoe koempoel sama sekali akoe poenja oewang blon ada sapoeloe pistol, baek djoega
