— 134 —
oeroesan. Trima ini barang dan djikaloe kau perloe oewang djoeal ini barang dengen tiada oesa sangsi lagi, Mylord. Tapi djikaloe kau bisa toeloeng, soepaja ini barang satoe tempo bisa djato kombali dalem akoe poenja tangan, djikaloe kamoedian akoe bisa djadi beroentoeng lagi, akoe nanti anggep kau ada satoe orang jang telah berboeat satoe pahala paling besar.”
„Njonja,” kata de Winter, „Sri Baginda poenja oeroesan nanti didjalanken oleh orang jang sanget setia. Akoe nanti simpen ini barang, dan seandenja akoe poenja harta tiada dirampas dan akoe poenja oewang soeda abis digoenaken boeat goenanja kita poenja oeroesan, soeda tentoe akoe tiada nanti soeka trima ini barang. Satoe djem lagi akoe nanti pergi pada graaf de la Fere dan besok pagi Sri Baginda nanti dapet kabar jang pasti.”
Permisoeri angsoerken tangannja pada Lord de Winter jang pegang dan tjioem itoe tangan dengen hormat. Pad prinses Henriette Permisoeri kata:
„Mylord Winter ada bawa satoe pesenan boeat kau Henriette.”
De Winter berdiri dengen bengong dan ia tiada mengarti Permisoeri poenja maksoed.
Prinses Henriette hampirken padanja dan dengen tersenjoem dan mera moekanja ia angsoerken djidatnja pada Lord de Winter.
„Sampeken pada akoe poenja ajah, ia tinggal djadi Radja atawa djadi satoe pemboeangan, menang prang atawa dikalaken oleh moesoe, besar kekwasa’annja atawa miskin, selamanja ia nanti dapetken akoe sebagi ia poenja poetri jang renda dan satoe anak jang tjinta ajahnja,” kata prinses.
