— 135 —
„Akoe soeda taoe itoe perkara, prinses,“ kata Lord de Winter dengen tjioem djidatnja itoe prinses.
Lord de Winter djalan kaloear. Hatinja rasa sedi koetika ia liat satoe astana begitoe besar, tapi kosong, sebab tiada ada orang orang jang boeat lajanin ia poenja Ratoe.
XII.
Pengikoetnja de Winter ada menoenggoe di loear astana dengen ia poenja koeda. Dengen berpikir de Winter toenggang koedanja menoedjoe ka roema makan, di mana ia ada menoempang dan kadang kadang ia menengok ka blakang boeat liat lagi itoe astana het Louvre, dari mana ia baroe brangkat dan di mana ada menoempang satoe familie jang ada dalem soesa, tapi tiada bisa dapet pertoeloengan lagi. Lantaran sering menengok ka blakang, ia dapet liat, di sebla belakangnja ada toeroet djoega saorang naek koeda. De Winter lantes dapet inget telah liat itoe orang, djoega koetika ia baroe brangkat dari astana Palais Royal.
Pengikoetnja de Winter jang ada toeroet sebla blakang djoega soeda awasin sadja pada itoe orang.
„Tony,“ kata de Winter dengen kasi tanda, soepaja pengikoetnja dateng deket padanja.
―„Akoe ada di sini, Mylord.“
Tony madjoeken koedanja di sebla ia poenja toean.
―„Apa kau soeda liat itoe orang di blakang ?“ menanja de Winter.
―„Ja, Mylord“
―„Siapa itoe orang ?“
—„Akoe tiada dapet taoe, tapi ia soeda
