— 133 —
„Besarken lagi kau poenja hati, njonja. Roepa roepanja Allah masi soeka lindoengken kita orang, maka dengen sanget ane kita soeda dapet taoe tempat tinggalnja itoe orang bangsawan jang gaga Pada kau, toean, akoe mengoetjap trima kasi. Toeloeng kabarken akoe poenja sobat, akoe maoe dateng tjari padanja soepaja ia ada di roema apabila akoe dateng.”
„Dengen senang hati akoe nanti toeroet kau poenja perminta’an, toean.” Kata Raoul, „djikaloe Sri Baginda soeka Kasi akoe idzin boeat brangkat.”
„Pergi, toean burggraaf de Bragelonne,” kata Parmisoeri, „pergi dan pertjaja kita soeka pada kau."
Raoul manggoet randa pada itoe doea Ratoe, hormat de Winter dan djalan kaloear.
Permisoeri dan Lord de Winter bitjara dengen swara plahan bebrapa lamanja, soepaja itoe bitjara’an tiada didenger oleh prinses Henriette, tapi itoe atoeran sabenernja tiada perloe, kerna itoe prinses tjoema pikirken keada’ annja ia poenja ketjinta’an sadja.
Koetika de Winter maoe berpamitan, Parmisoeri kata:
„Denger, Mylord; akoe soeda simpen ini salib inten, kerna ini barang ada peninggalannja akoe poenja iboe dan ini bintang Sint Michel ada pengasinja akoe poenja swami. Ini doea barang ada berharga kira kira limapoeloe riboe franc. Akoe telah bersoempa, lebi soeka meninggal doenia lantaran kelaparan dari pada djoeal ini doea roepa barang, tapi sekarang ini barang perloe moesti digoenaken boeat menoeloeng pada Radja dan orangnja. Apa jang akoe masi ada perloe digoenaken boeat ini
