— 116 —
klai,“ kata Permisoeri dengen tersenjoem, „dan sedikit hari lagi nanti bisa dapet poetoesan, siapa jang menang dan siapa jang dikalaken.“
„Akoe tiada dapet taoe satoe apa, Sri Baginda,“ kata Mazarin dengen angkat poendaknja, apa maoe dibilang oeroesan perkara prang dalem negri sendiri soeda bikin terbit banjak pikiran bagi satoe mantri jang koerang pande sebagi akoe.“
„Djikaloe bagitoe,“ kata Permisoeri, „biar akoe terangken ini perkara pada kau, Kardinaal. Radja Karel I, akoe poenja soeami, tiada berselang lama lagi nanti maloemken eatoe peprangan jang bisa kasi poetoesan dalem itoe oeroesan tjidra dengen rahajat negrinja. Djikaloe ia dikalaken . . . .“ Mazarin angkat tangannja dan berlakoe sebagi orang jang sanget kaget.
„O! selamanja kita moesti bersedia lebi doeloe," kata poela Permisoeri, „djikaloe ia dikalaken ia ada niat boeat dateng di negri Frans, di mana ia maoe tinggal idoep sebagi satoe orang preman sadja. . . . . Begimana kau poenja pikiran tentang ini perkara ?"
Sedeng dengerken Permisoeri bitjara, Mazarin poenja roepa tiada sekali beroba, moakanja keliatan terang dan tingka lakoenja manis, tapi itoe semoea ada palsoe dan koetika Permisoeri abis bitjara ia djawab dengen swara plahan dan manis boedi :
„Apa Sri Baginda kira ini negri Frans, dalem mana ada terbit banjak tjidra, nanti bisa djadi satoe tempat melindoeng jang slamet bagi satoe Radja jang dikasi toeroen dari tachta karadja'annja? Tachta karadja'an Radja Lodewijk XIV soeda bergojang, begimana nanti djadinja djikaloe itoe pamerenta dibikin djadi lebi brat pikoelannja.“
