— 114 —
dari mana kau boleh kaloear di galerij. Akoe ingin orang tiada dapet liat kau kaloear dari sini, soepaja kau poenja dateng tiada ada jang dapet taoe“
Mordaunt djalan diblakangnja Bernouin jang anter ia kaloear dari djoeroesan laen, kamoedian. Bernonin lantes balik masoek boeat anter pada Permisoeri Inggris jang soeda masoek sampe deket pintoe kamarnja Mazarin.
- - - -
X
Mazarin berbangkit dari tempatnja dan dengen tjepet ia pergi samboet pada Permisoeri Inggris ia berboeat itoe kahormatan boekan sebab ia dengen sasoenggoenja taro inda pada itoe Ratoe, tapi sebab ia merasa ada berboeat sala besar pada itoe Permisoeri jang tiada dapet rawatan sebagimana moestinja, tjoema lantaran Mazarin sanget kikir dan sajang kaloearken oewang.
Tapi Permisoeri jang dateng maoe minta satoe perkara besar bisa tahan moekanja tiada beroba dan dengen tersenjoem sedikit ia hampirken itoe orang jang ia bentji dan pandang sanget renda.
„O!“ Mazarin pikir dalem hatinja, „moekanja sanget manis! Apa ia brangkali maoe pindjem oewang akoe?“
Dengen sanget kwatir ia tengok peti oewangnja dan dengen tjepet ia poeter inten dari tjintjinnja balik masoek, soepaja itoe permata tiada keliatan oleh Permisoeri. Tapi itoe tjintjin boekan ada satoe tjintjin wasiat dari Gyges jang djikaloe dibalik masoek matanja, orang jang pake itoe tjintjin lantes djadi tiada keliatan.
Sasoenggoenja Mazarin itoe koetika ingin ia
