— 109 —
berboeat sanget tiada pantes padakau." —,,Ja nanti berlakoe lebi pantes pada pertama kali jang akoe nanti ketemoe padanja."
—,,Kau ada poenja tipoe boeat bikin lemes hatinja ?
—,,Akoe ada poenja tipoe boeat bikin ia djadi takoet,"
Mazarin awasin moekauja itoe anak moeda, tapi koetika ia dapet liat matanja Mordaunt bertjahja mengkilap, Mazarin toendoek, kerna ia pikir, tiada perioe teroesken itoe bitjara'an, dan ia boeka soeratnja Cromwell.
Plahan plahan matanja itoe anak moeda beroba lagi sebagimana biasa dan koetika baroe batja moelanja itoe soerat, Mazarin lirik moekanja Mordaunt, sedeng dalem hatinja berpikir:
,,Sala sekali seraken pakerdja'an penting pada saorang begini matjem, jang tentoe lebi perloeken oeroesan sendiri! Tjoba sekarang akoe liat apa ada ditoelis dalem ini soerat."
Itoe soerat boenjinja begini:
,,Kapada Zijne Eminentie Monseigneur Kardinaal Mazarin
,,Monseigneur! Perloenja ini soerat boeat dapet taoe, begimana Eminentie poenja pikiran tentang keada'annja pamerentahan di negri Inggris pada ini waktoe. Kita poenja negri berwates tiada djaoe satoe pada laen, hingga tentoe tiada bisa dibilang masing masing tiada perdoeliken jang laen poenja keada'an, Rahajat negri Inggris sekalian Boeda djadi satoe hati dan maoe brontak dari pidjitannja Radja Karel dengen kawannja. Lantaran sekalian pertjaja pada akoe boeat djadi kepala dari ini
