— 110 —
gerakan, akoe djadi sampe taoe keada'annja
di ini negri. Sekarang akoe lagi maoe
maloemken prang dengen Radja Karel
at boeat pengabisan. Akoe tentoe nanti kalaken
padanja, kerna sekalian rahajat negri harep
itoe perkara dan Allah lindoengken kita
orang. Seabisnja dikalaken ini sekali boeat
Radja tiada ada tempat semboeni lagi di
negri Inggris atawa di Schotland, ia nanti
tjoba boeat lari ka negri Frans, di mana
ia nanti berdaja boeat koempoel oewang
dan bikin lengkep balatentara. Sekarang
Permisoeri Henriette soeda ada di negri
Frans dan itoe gerakan soeda bikin akoe
poenja kawan djadi semingkin mara, tapi
Permisoeri ada satoe prinses dari negri
Frans dan kau poenja negri wadjib trima
padanja. Tapi boeat Radja Karel toe per-
kara ada berbeda banjak. Dengen trima
dan toeloeng padanja pamerenta Frans
djadi sengadja ganggoe rahajat Inggris
poenja maksoed, satoe perboeatan begitoe
roepa ada sama dengen bikin terbit perkara
bermoesoehan.“
Mazarin brenti batja itoe soerat, kerna Cromwell poenja perkata'an soeda bikin ia djadi sanget kwatir. Mazarin lirik lagi itoe anak moeda jang keliatannja masi doedoek bengong sadja, kamoedian ia teroes batja lagi soeratnja Cromwell:
Oleh kerna itoe, Monseigneur, sanget
perloe akoe dapet taoe, begimana pamerenta
Frans poenja pikiran dari ini perkara.
Boeat ini doea karadja'an poenja kebaean,
maski masing masing poenja oeroesan ada
berbeda, haloeannja sama Negri Inggris
