— 94 —
ia soeda dapet taoe, itoe kabar betoel adanja, ia djadi sanget senang pikirannja, kerna boeat orang jang adatnja sebagi d’Artagnan, apabila ia dapet oesoet moelanje, tentoe ia mace dapet itoe perkara sampe achirnja.
d’Artagnan lantes berloetoet sebagi ia toeroet sembajang, tapi sebab ja soeda loepa apa jang ia moesti seboet pada waktoe orang sembajang pagi dan ia tlada ada bawa boekoenja, ia goenaken temponja boeat preksa keada’annja. itoe pengoeroes gredja.
Tiada lama poela itoe sembajang soeda abis, satoe padri berbangkit dari tempatnja dan bagi berkahnja Allah pada orang orang jang masi tinggal berloetoet di hadepan ini orang. Ini perkara soeda bikin d’Artagnan djadi heran, tapi boeat sabenter sadja, kerna sigra ia kenalken itoe padri ada coadjutor, jaitoe Jean Francois de Gondy jang telah kesohor namanja.
Itoe coadjutor jang ada genggem satoe niatan besar soeda bagi banjak oewang di antara orang orang miskin, hingga pendoedoek kota Parijs djadi soeka padanja dan boeat bikin ini perkara djadi. lebi tersiar, kadang kadang ja dateng di gredja bocat toeroet sembajang.
d’Artagnan djoega djadi berloetoet lagi, koetika masing masing orang jang soeda dapet berkahnja itoe padri besar satoe persatoe djalan Kaloear. Koetika Bazin mace djalan Kaloear, d’Artagnan masi berloetoet, tapi ia soeda awasin Bazin tiada brentinja, maka koetika itoe orang jang ditjari liwat deket, ia lantes pegang pakean padrinja.
Bazin menengok kablakang dan. tatkala ia dapet liat siapa jang pegang padanja, ia lompat sebagi ia soeda liat satoe oeler berbisa.
„Toean d‘Artagnan !“ ia bertreak, „satnas.“
