— 93 —
akoe dalem ini oeroesan," kata d’Artagnan.
Sasoedanja Kasi satoe tanda pada Planchet, d’Artagnan lantes djalan kaloear boeat pergi di gredja Notre Dame.
VIII.
Sepandjang djalan d’Artagnan berpitir, begimana ia moesti berdaja boeat tjari taoe di mana adanja iapoenja kKawan jang lama, ia rasa sanget senang telah ketemoe lagi pada Planchet, kerna maski dalem ini oeroesan ia jang toeloeng pada Planchet, sabenernja Planchet poenja dateng djadi toeloeng padanja dari satoe perkara soesa. Boleh djadi Planchét tiada nanti tinggal bekerdja lama padanja, tapi apabla ia soeda kombali di roemanja, tentoe ia nanti inget, ia poenja toean soeda toeloeng ia dari hoekoeman gantoeng. Laen dari itoed’Artagnan pikir, pada waktoe rahajat negri ada niat boeat brontak, bermeesoe dengen kaoem Radja, boest ia jang ada bekerdja pada barisan negri, ada baeknja djoega, mempoenjal satoe sobat antara orang orang jang kamoedian moesti dianggep sebagi moesoe; siapa boleh taoe, apa nanti aken kedjadian, brangkali djoestroe lantaran itoe perkara ia boleh dapet oentoeng besar.
Koetika ia soeda sampe di depan gredja, ia lantes masoek dan tanja pada satoe pengawal, apa ia kenal toean Bazin.
„Toean Bazin, pengoeroes gredja ?“ itoe orang menanja lagi.
— „Betoel,“ — „Ia lagi kepalaken orang sembajang pagi.“
d'Artagnan rasa badannja gemeter dari sebab girang. Koetika ia dapet taoe itoe perkara dari Planchet ia masi kwatir sala, tapi sekarang
