— 89 —
broek orang orang jang berkoempoel di djalanan dengen tingka lakoe sanget kasar, hingga iaorang moelai menjomel. Persakitan roepa roejanja dapet pikir itoe koetika ada waktoe jang baek boeat ia dapet pertoeloengan, maka, ia seboet namanja dan bertreak minta, ditoeloeng. Kabetoelan akoe ada di sana dan kerna akoe inget, ia jang soeda toeloeng akoe djadi sergeant pada barisan di Piemont, akoe lantes bertreak, itoe toean ada satoe persakitan dari Kardinaal Mazarin dan ia ada satoe sobat dari toean de Beaufort Orang orang lantes pegang koeda dari itoe kreta dan dengen tjepet akoe boeka pintoe kreta, toean de Rochefort lompat kaloear dan mengilang, Tapi apa latjoer satoe barisan ronda liwat di itoe tempat dan lantes dateng menoeloeng dan menjerang pada orang banjak. Akoe lari ka toedjoean Tiquetonnestraat dan masoek di roema sebla. Barisan soldadoe dan politie lantes kepoeng dan gleda itoe roema, tapi tiada dapet satoe apa; di tingkatan kalima ada satoe sobat jang soeda semboeniken akoe dalem iapoenja tempat tidoer. Akoe berdiam di itoe kamar sampe ampir pagi dan kerna akoe pikir, pada waktoe siang hari tentoe orang nanti dateng tjari lagi, maka akoe pikir, baek djalan kaloear dari laen roema, oleh kerna itoe akoe soeda pandjet genteng dan masoek di ini kamar. Akoe harep, toean tiada djadi goesar pada akoe,“
"Tiada sekali,“ kata d’Artagnan, "akoe rasa senang hati, Rochefort soeda bisa lari, tapi djiKaloe barisan negri dapet tangkep kau, tiada ada ampoen lagi, tentoe kau digantoeng."
"Pardieu, akoe djoega taoe itoe perkara," menjaoet Planchet. "Akoe djoega sanget senang rasanja soeka ketemoe pada toean, kerna djika-
Doeapoeloe taon blakangan
12
