— 88 —
„akoe ingin: taoe, begimana adanja toean poenja persobatan dengen toean Rochefort."
— „Sanget baek, Akoe kira, Rochefort baroe kasi Kenjata‘an dari iapoenja boedi baek pada akoe."
— „O, djikaloe begitoe, betoel baek.”
— „Tapi perloe apa kau tanja tentang halnja Rochefort? Toch itoe oeroesan tiada berhoeboeng dengen kau poenja dateng dan masoek dari akoe poenja djendela ?"
— „Ja, toean, lebi doeloe akoe ingin kasi taoe, sekarang toean de Rochefort. . . . ."
_ „Setan, akoe taoe, de Rochefort ada di Bastille “
— „Tadinja ia ada di sana, toean."
„Kenapa kau bilang tadinja ?" kata d’Artagnan apa ia soeda beroentoeng boeat lari?"
„Djikaloe toean bilang, beroentoeng djikaloe ia lari, dan semoea perkara djadi beres" "kata Planchet. "Djadi akoe boleh kasi toean taoe, kemaren orang soeda prenta boeat ambil toean de Rochefort dari Bastilie ?"
— „Pardieu ! akoe djoega taoe itoe perkara, akoe sendiri jang pergi ambil padanja."
— „Tapi beroentoeng boeat toean de Rochefort, boekan toean jang diprenta boeat anterken ia kombali ka Bastille, kerna djikaloe akoe liat toean jang djaga padanja, toean boleh pertjaja, akoe masi inget toean poenja kegagahan,"
— "Bitjara biar betoel, kerbo. Apa soeda kedjadian dengen toean de Rochefort?"
— „Kedjadiannja di Ferronneriestraat, pada waktoe mana kreta persakitan, dalem mana toean de Rochefort ada, liwat di sana. Barisan Kardinaal jang anter itoe kreta soeda oesir toe-
