— 73 —
seboet toean padri d'Herblay, doeloe namanja Aramis“
Kardinaal tersenjoem, laloe berkata:
„Tentoe anak anak orang bangsawan jang perna moedaän, masoek bekerdja pada barisan musketier dengen nama tiroean, soepaja tiada bikin maloe nama iaorang poenja familie. Pedangnja pandjang, tapi kantongnja kosong, biasanja orang-orang jang keada'annja begitoe roepa sanget brani mati.“
― Djikaloe soeda takdirnja Allah itoe pedang pedang moesti digoenaken boeat Eminentie poenja oeroesan, akoe ada poenja satoe permintaän, jaitoe soepaja Eminentie poenja kantong bisa djadi sedikit enteng dan iaorang poenja sakoe djadi bratan. Dengen itoe tiga kawan akoe brani berboeat roepa roepa perkara jang boleh bikin pendoedoek di seantero Europa nanti djadi kagoem.
― „Anak anak dari Gasconje ampir bisa bersaingan dengen orang Italie dalem oeroesan bitjara sombong.“
„Maski begitoe,“ kata d'Artagnan dengen tersenjoem, „dalem perkara berklai orang Gasconje ada lebi berharga.“
Kamoedian ia trima dari Kardinaal soerat verlof jang ia soeda minta dan lantes ia djalan kaloear.
Baroe sadja ia kaloear dari astana Kardinaal, d'Artagnan lantes hampirken satoe lentera dan di tempat trang ia preksa isinja itoe kantong oewang.
„Oewang perak,“ ia kata dengen gigit bibirnja; „akoe soeda doega itoe perkara. O! Mazarin Kau tiada pertjaja akoe! Baek, ini perkara
nanti boleh djadi bebalik djadi kau poenja ketjilaka'an.“
Doeapoeloe taon blakangan
10
