— 68 —
denger, apa kau brani berboeat begitoe boeat akoe?"
—„Apa sadja jang Eminentie soeka prenta pada akoe.“
—„Apa kau brani berboeat boeat akoe sebagi doeloe kau soeda berboeat boeat satoe Permisoeri?“
d‘Artagnan pikir dalem hatinja:
„Sekarang soeda trang ia maoe akee bitjara, akoe nanti liat apa maksoednja, Masa ia lebi tjerdik dari Kardinaal Richelieu!
,,Boeat satoe Permisoeri, Monseigneur?” kata d'Artagnan, „akoe tiada mengarti satoe apa.“
—„Kau blon mengarti djoega : akoe perloe kau dan kau poenja tiga kawan.“
—„Kawan jang mana, Monsejgneur?“
—„Kau poenja tiga sobat jang lama.“
—„Doeloe, Monseigneur, akoe boekan ada poenja tiga, tapi ada lebi dari limapoeloe sobat. Djikaloe kita baroe beroemoer doea poeloe taon, semoea orang dianggep ada kita poenja sobat.“
—„Baek, luitenant! berlakoe ati ati memang ada satoe perboeatan baek, tapi djikaloe kau pegang resia begitoe rapi ini malem, boleh djadi di kamoedian hari kau nanti menjesel.“
—„Monseigneur, satoe goeroe besar jang bernama Pythagoras soeda larang iapoenja moerid lima taon Jamanja tiada boleh bitjara satoe apa, tjoema perloenja, soepaja jaorang bisa pegang resia jang iaorang telah dapet taoe.“
—„Tapi kau tinggal bisa doeapoeloe taon lamanja, toean. Djadi limablas taon lebi lama dari peratoeran jang itoe goeroe Pythagoras soeda goenaken; akoe kira, itoe tempo soeda sampe lama. Sekarang kau boleh bitjara, kerna
