— 53 —
toe dan manggoet djoega pada Radjanja, tapi Lodewijk bales dengen manggoet sedikit sadja; Sri Baginda dapet liat mata iboenja jang keliatan goesar ia soeda berboeat begitoe, maka Sri Baginda tersenjoem, koetika Mazarin bitjara padanja.
Anna van Oostenrijk tjoba doega, lantaran apa Mazarin dateng begitoe waktoe, kerna biasanja ia dateng djikaloe laen laen orang di astana soeda tiada keliatan lagi.
Mazarin kasi satoe tanda jang ampir tiada keliatan, lantaran mana Sri Ratoe berkata pada njonja Beauvais :
,,Soeda tempo boeat Radja pergi tidoer. Panggil La Porte."
Lebi doeloe memang soeda doea atawa tiga kali Sri Ratoe prenta Radja pergi tidoer, tapi Sri Baginda minta, soepaja boleh tinggal lebi lama; ini sekali ia tiada berkata satoe apa lagi dan dengen rapetken bibirnja Sri Baginda tinggal berdiri.
La Porte dateng masoek.
Radja lantes boeros padanja, dengen tiada bilang lagi satoe apa pada iboenja.
Lodewijk, kenapa kau tiada tjioem akoe lebi doeloe ?" menanja Anna.
,,Akoe kira kau soeda mara, njonja; kau oesir akoe kaloear," kata Radja.
,,Akoe boekan oesir kau; tapi kau baroe baek dari sakit tjatjar, maka akoe kira baek kau masoek tidoer siang siang."
Tapi tadi siang kau tiada kwatirken itoe perkara, koetika akoe diprenta pergi di parlement boeat sjarken itoe atoeran atoeran jang djelek, lantaran mana rahajat negri soeda djadi brontak."
,,Sri Baginda," kata La Porte dengen sengadja,
