— 52 —
Moekanja Anna van Oostenrijk djadi sedikit mera.
,,Boeat keada'an di ini tempo ada sanget perloe," kata Sri Ratoe, ferdana mantri bisa dateng sembarang waktos aken ketemoe pada Ratoe boeat bitjaraken hal apa jang baroe kedjadian, dengen tiada oesa bikin laen orang di astana djadi riboet dan doega doega itoe perkara."
,,Tapi akoe inget toean Richelieu tiada taoe berboeat begitoe roepa," kata poela Radja.
— ,,Begimana kau bisa inget apa Richelieu biasa berboeat? Pada itoe masa kau masi terlaloe moeda."
— ,,Akoe djoega boekan inget itoe perkara; akoe minta orang kasi ketrangan dan orang soeda tjeritaken itoe perkara pada akoe."
,,Dan siapa jang soeda bilang begitoe? menanja Anna van Oostenrijk dengen swara sedikit mara.
Akoe taoe selamanja akoe tiada boleh seboet namanja orang orang jang soeda kasi djawaban atas akoe poenja pertanja'an, kata Radja, ,, kerna djikaloe akoe berboeat begitoe, tentoe tiada nanti orang soeka kasi akoe ketrangan apa apa lagi."
Itoe koetika Mazarin dateng masoek. Radja bangoen dari tempatnja, toetoep iapoenja boekoe, taro di atas medja dan tinggal berdiri, boeat paksa, soepaja Mazarin djoega tiada brani doedoek.
Mazarin dengen matanja jang tjerdik soeda dapet liat keada'an di itoe kamar dan tjoba doega apa jang soeda kedjadian sablonnja ia dateng.
Mazarin manggoet renda di hadepan Sri Ra-
