— 54 —
soepaja itoe bitjara'an djadi laen, ,pada siapa akoe moesti prenta bawa tempat lilin ?"
„Pada siapa sadja kau soeka, La Porte," kata Radja, kamoedian dengen swara lebi kras ja kata, „asal sadja djangan pada Mancini,"
Mancini ada satoe kaponakan dari Mazarin jang ini Kardinaal kasi pada Radja boeat pren- tahannja. Pada itoe anak, Radja poeasken hatinja boeat bales kabentjiannja pada Mazarin.
Radja Lodewijk djalan kaloear dengen tiada berpamitan lagi pada iboenja dan Mazarin.
„Itoe betoel," kata Mazario, „akoe soeka liat, Radja tiada diadjar diadjar boeat bisa bermoeka moeka."
„Kenapa kau kata begitoe?" menanja Sri Ratoe.
― „Kerna dengen begitoe, hal Radja kaloear dari ini kamar tiada oesa ditjari lagi lantarannja; dengen troes trang ia soeda kasi njata, ia tiada soeka pada akoe; maski begitoe akoe tinggal setia pada Radja dan Sri Baginda."
― „Akoe minta kau soeka ampoenken padanja, Kardinaal; satoe anak masi begitoe moeda blon tace brapa besar adanja kau poenja boedi padanja."
Kardinaal tersenjoem.
„Tapi, kata Sri Ratoe poela, kau tentoe dateng bawa sala satoe kabar penting; ade kabar apa ?"
Mazarin rebaken dirinja di satoe korsi males, laloe menjaoet:
― „Akoe kira, boleh djadi kita dipaksa boeat berpisa, djikaloe kau poenja ketjintän tiada ada begitoe kras dan kau soeka toeroet akoe pergi ka Italie."
„Sebab apa ?" menanja Ratoe lagi.
