— 4 —
tentoe nanti djadi temennja toean de Beaufort."
Lantaran dapet berpikir begitoe roepa, Kardinaal djadi tersenjoem.
„Dan itoe parlement.... ," kata poela Kardinaal, ,akoe maoe liat, begimana ia orang maoe bekerdja; Orleans dan Montargis masi ada pada akoe poenja f hak O, akoe nanti atoer. soepaja itoe perkara parlement t'ada bisa didiriken dengen lekas dan itoe orang orang jang sekarang bertreak, „Boeang Mazarin,“ satoe persatoe nanti dapet bagiannja. Richelieu koetika masi idoep bebrapa kali diossir dan sanget dibentji, pada itoe masa iapoenja keadaan ada banjak lebi djelek dari akoe poenja keadaän. Permisoeri tiada nanti oesir akoe dan seandenja akoe kepaksa boeat trima rahajat negri poenja permintaän, Permisoeri nanti berboeat itoe perkara sama sama akoe; djikaloe lari, ia toeroet lari, akoe maoe liat orang orang peroesoehan nanti maoe bikin apa, djikaloe Boeda tiada ada Permisoeri dan tiada ada poenja Radja lagi.
„O, soenggoe sajang, akoe boekan orang bangsawan Frans dan tjoema saorang asing sadja."
Kamoedian ia diam berpikir lagi.
Sabenernja iapoenja keadaän ada sanget soesa dan keriboetan di itoe hari soeda bikin iapoenja perkara djadi semingkin koesoet. Mazarin jang sanget kikir dan temaha sama oewang Boeda adaken lagi bebrapa roepa padjek baroe dengen kasi alesan, itoe oewang digoenaken boeat pegang tinggi deradjat karadjeän Frans di loear negri. Tapi advocaat generaal Talon kasi ketrangan, rahajat jang soeda dikenaken padjek sampe brat, sedeng pentjarian soesa lantaran dalem negri tiada brentinja hoeroe hara, moelai djadi koerang
