— 47 —
oewang djoega iaorang tiada ada poenja; iaorang ada ampat orang peprangen jang ada mempoenjai hati tabs, tangannja koeat dan pedangnja tadjem, Isorang lantes brangkat. Minister soeda dapet kabar dan lantes kirim orang boeat tjaga itoe ampat orang troesken perdjalanannja. Tiga orang antaranja soeda dibikin loeka oleh bebrapa banjak orangnja minister, tapi jang satoe bisa djalan troes sampe di pelaboean, ia boenoe dan bikin loeka orang orang jang soeda brani tjega padanja dan pada hari dari itoe pesta, Ratoe pake periasannja jang Radja minta dipake. MaTanja itoe minister boekan kepalang. Apa Monseigneur moesti bilang dari perboeatannja itoe orang orang gaga?“
— „Sanget bagoes!“
— „Akoe ada kenal sapoeloe orang gaga begitoe roepa.“
Mezarin lagi berpikir dan tiada kata satoe apa sampe berselang lima anem minuut.
„Apa Monseigneur tiada ada pertanjaän lagi ?“ menanja Rochefort.
— „Masi ada, apa toean d’Artagnan ada satoe antara itoe ampat orang?“
— „Ia jang Kepalaken itoe pakerdja’an.“
— „Siapa itoe tiga orang lagi?“
— „Akoe harep Monseigneur soeka tanja sadja pada toean d’Artagnan. Itoe tiga orang ada ia poenja sobat, akoe tiada kenal dan tiada taoe djoega iaorang poenja nama jang sedjati.“
— „Kau masi tjoeriga pada akoe, toean de Rochefort. Akoe maoe bilang troes trang pada kau; akoe perloe kau dan iaorang djoega.“
— „Baek, sekarang kita moelai bitjara dari akoe poenja diri, kerna lantaran Monseigneur soeda prenta bawa, akoe sekarang ada di sini.“
