— 46 —
— „Tjoba kasi denger, akoe sanget soeka denger tjerita dongeng.“
„Apa betoel betoel Monseigneur maoe denger itoe tjerita?“ menanja Rochefort dengen lirik pada Kardinsal.
„Ja,“ menjacet Kardinaal.
„Dalem itoe tjerita ada satoe Ratoé....“ kata Rochefort jang moelai tjerita, „tapi satoe Ratoe jang besar kekwasa’annja, Permisoeri dari sala satoe Radja dari negri jang besar; itoe Ratoe soeda bentji pada ministernja, sebab lebi doeloe itoe minister sanget banjak kemaoeannja. Djangan tjoba boeat tebak, Monsiegneur tiada nanti bisa doega itoe perkara, kerna itoe perkara soeda kedjadian lama sablonnja Monseigneur deteng dalem itoe karadja’an. Antara oetoasan oetoesan dari laen keradja’an jang biasa dateng di astana ada satoe jang sanget gaga, hartawan dan roepanja banjak lebi tjakep dari laen orang, hingga ampir semoea orang. prempoean soeda djadi soeka padanja. Begitoe djoega soeda kedjadian dengen itoe Ratoe. Koetika itoe oetoesan di panggil poelang ka negrioja, Ratoe soeda Kasi boeat tanda mata, satoe periasan di loear biasa, saroepa barang jang ampir boleh dibilang, tiada gampang bisa ditjari jang sama roepanja. Itoe minister jang telah dapet taoe ini perkara soeda voorstel pada Radjanja boeat minta, soepaja Ratoe pake itoe barang, jang memang ada pengasi Radja, dalem satoe pesta besar jang maoe dibikin. Itoe Ratoe jang besar kekwasa’annja moesti djadi tjilaka.“
„Begitoe!“ kata Mozarin
— „Tapi ampat orang ada niatan boeat bela Ratoenja. Itoe ampat orang boekannja prins, hertog atawa orang jang besar kekwasainnja,“
