— 357 —
dateng, iaorang nanti kira, kita berdoea ada orang pengetjoet.
„Planchet!" bertreak d'Artagnan.
Planchet dateng.
― „Selaken koeda dan bawa kau poenja snapan."
― „Tapi, toean, lebi doeloe moesti kasi taoe, siapa jang kita maoe pergi serang."
„Tiada ada satoe orang jang diniatken, Planchet," kata d'Artagnan, tjoema bosat sedia sadja, djikaloe brangkali ada orang menjerang pada kita."
„Apa toean soeda taoe, orang telah berdaja boeat bikin binasa toean Broussel, ajahnja rahajat negri ?" menanja Planchet.
― „Masa! orang soeda berboeat begitoe ?"
― „Ja, tapi djoestroe lantaran itoe perkara pendoedoek Parijs kasi kenjata'an, iaorang betoel Boeka pada itoe toean. la dipondong poelang ka roemanja dan dari hari kemaren tiada brentinja orang dateng tengokin padanja. Toean coadjutor, hertog de Longueville, prins van Conti, njonja de Chevreuse dan bebrapa orang jang ternama soeda dateng padanja. Dan..."
― „Dan apa?
Planchet lantes menjanji satoe lagoe frondeur.
„Sekarang akoe tiada oesa heran lagi," kata d'Artagnan dengen berbisik pada Porthos, „Mazarin lebi soeka akoe soeda indjek itoe raadsheer sampe ia binasa."
„Toean tentoe mengarti," kata Planchet, „djikaloe akoe diprenta bawa snapan boeat dalem sala satoe pakerdja'an sebagimana orang soeda berboeat pada toean Broussel, akoe...."
― „Djangan kwatir, tiada ada itoe perkara,
