— 343 —
sedeng ia poenja pedang dikasi masoek dalem saroengnja.
„Anakkoe!“ kata Athos dengen satoe swara manis jang ia biasa goenaken pada masa doeloe djikaloe ia lagi kasi nasehat pada sobatnja, sekalian Athos angsoerken tangannja.
„Athos,“ kata d'Artagnan dengen sanget goegoep „kau bela padanja? Sedeng akoe soeds soempa boeat bawa kombali padanja idoep atawa mati! O! akoe poenja kahormatan roesak.“
„Boenoe akoe,“ kata Athos dengen boeka dadanja, „djikaloe kau poenja kahormatan perloe ditoeloeng dengen akoe poenja djiwa.“
„O! tjilaka atoe! tjilaka akoe! meratap d'Artagnan,“ dalem ini doenia tjoema ada satoe orang jang boleh tjega akoe poenja niat dan akoe poenja peroentoengan tjilaka soeda goenaken itoe orang poenja tenaga boeat djadi halangan! Apa sekarang akoe moesti bilang pada Kardinaal?”
„Kau nanti djawab padanja, toean,“ kata satoe swara jang roepa roepanja ada pegang prenta di itoe tempat; itoe doea orang prentahannja Kardinaal soeda bisa boenoe ampat orang serta bertanding dengen graaf de la Fere dan ridder d'Herblay, iaorang menjera, sebab dikepoeng oleh limapoeloe moesoe“
„Toean prins!“ kata Athos dan Aramis bebareng serta sedia aken boeka djalan boeat hertog de Beaufort; d'Artagnan dan Porthos moendoer setindak.
„Limapoelos orang!“ kata d'Artagnan dan Porthos bebareng.
„Tjoba kau preksa djikaloe kau tiada pertjaja, toean toean,“ kata hertog.
D'Artagnan dan Porthos menengok kanan
