— 341 —
tembakan, jang satoe dari pistolnja d'Artagnan dan jang laen dari orang jang ada di hadepan Porthos; pelornja d'Artagnan soeda bikin djato topi moesoenja, sedeng pelor moesoe soeda kena tembak Porthos poenja koeda, jang lantes djato reba di tana.
„Boeat pengabisan kali, akoe tanja lagi, kau, maoe pergi di mana ?“ swara jang tadi menanja poela.
„Pergi persetan !“ kata d'Artagnan.
„Baek, djangan kwatir akoe nanti kirim kau tempatnja setan,“ kata itoe swara.
D'Artagnan dapet liat oedjoeng satoe snapan ditoedjoeken padanja ia tiada keboeroe kasi kaloear ia poenja snapan dari iketannja di sela dan lantes inget satoe nasehat jang doeloe ia dapet dari Athos. Ia kasi spoor koedanja dan tahan lesnja, hingga itoe koeda djadi berdjingkrak.
Pelor jang moesoenja soeda tembaken, kena betoelan peroet koedanja. D'Artagnan rasaken koedanja maoe djato dan lantes ia lompat toeroen.
„Demi kahormatankoe!“ kata poela itoe orang dengen swara menjindir, „ini ada perkara boenoe koeda, boekan pertandingan lelaki. Mari kita goenaken pedang, toean toean!“
Itoe orang lompat toeroen dari koedanja.
„Maenken pedang akoe djoega bisa,“ kata d'Artagnan.
Dengen doea kali lompat d'Artagnan soeda ada di depan tanlingannja, pada siapa ia lantes moelai adoe silat.
Itoe koetika Porthos masi kedjepit koedanja jang djato dan sebab kwatir diserang oleh moesoenja, kadoea tangannja pegang pistol.
Dengen sengit sebagimana ia biasa berboeat
