— 326 —
Saint Antoine, tiada lama poela iaorang soeda ada di loear kota, liwatken satoe oetan dan itoe koetika moelai keliatan poehoen poehoen dari doesoen, di mana benteng Vinncennes ada.
Roepa roepanja iaorang poenja koeda semingkin lari djadi semingkin kras hatinja. D'Artagnan dengen Porthos ampir ada terendeng, Mousqueton ada blakangan sedikit, tapi itoe barisan jang toeroet pada iaorang ada ketinggalan djaoe, kerna iaorang poenja koeda tiada bisa lari begitoe kras, sebagimana koedanja Porthos.
Dari betoelan atas satoe boekit d'Artagnan dapet liat bebrapa banjak orang ada berkoempoel di tepi soengi jang ada sepoeternja benteng, betoel deket tempat, di mana ada itoe mertjoe tinggi. D'Artagnan doega tentoe itoe orang hoekoeman soeda lari betoelan itoe tempat dan lima minuut kamoedian ia sampe di sana, tiada lama poela itoe barisan djoega sampe.
Sekalian orang jang ada berdiri di itoe tempat lagi asik bitjaraken itoe oeroesan dan masing masing awasin lobang tembok di atas, dari mana masi ada tergantoeng satoe tangga tali jang soeda poetoes. Iaorang doega, dari wates itoe tali jang poetoes sampe di bawa ada kira kira doea poeloe kaki tingginja. Di atas tembok dari benteng ada djalan moendar mandir soldadoe djaga dengen moekanja jang keliatan sanget bingoeng.
Satoe barisan ketjil di bawa prentanja satoe onderofficier soeda oesir orang orang jang berkoempoel di tempat, dari mana hertog soeda brangkat dengen naek koeda.
D'Artagnan lantes hampirken itoe onderofficier.
„Luitenant,“ kata itoe onderofficier, „akoe
