— 325 —
Dengen tjepet soeda ada sapoeloe orang berkoempoel.
D'Artagnan lantes naek atas Vulkaan, sedeng Porthos toenggang Bayard, Mouston naeken Phoebus.
„Toeroet akoe!“ bertreak d'Artagnan.
„Madjoe !“ kata Porthos,
Sigra iaorang lariken koedanja di djalanan Saint Honore, sebagi iaorang ada di lapangan pelomba'an koeda.
„Apa akoe bilang, toean baron, akoe soeda djandjiken kau hawa oedara jang lebi baek dan sekarang kau bisa dapet kenjata'an, akoe bisa pegang akoe poenja perdjandjian,“ kata d'Artagnan.
Betoel, toean kapitein,“ kata Porthos.
Iaorang menengok ka blakang, Mousqueton lantaran kwatir soeda djadi kaloear kringet sampe lebi basa dari kringet koedanja; diblakangnja Mousqueton ada toeroet itoe sapoeloe soldadoe.
Pendoedoek kota dengen heran awasin iaorang dan tiada bisa mengarti, apa perkara jang soeda kedjadian, maka itoe orang orang keliatannja sanget terboeroe boeroe, sedeng andjing gonggong pada iaorang.
Di tikoengan tempat koebueran Sint Jan d'Artagnan soeda toebroek satoe orang sampe itoe orang djato tjelentang di tenga djalan, tapi ini perkara ada sanget ketjil, djikaloe dibanding dengen apa jang iaorang lagi boeroe, maka itoe orang tiada diperdoeliken lagi, iaorang djalan troes dengen kras.
— — — —
XVII.
Iaorang djalan troes dengen ambil djalan
