— 321 —
d'Artagnan, dan Monseigneur oelangken akoe poenja perkata'an.“
„Dan kau toean d'Artagnan, kau ingin apa?“ kata Mazarin.
— „Monseigneur, di boelan September jang dateng betoel tjoekoep doeapoeloe taon lamanja, Kardinaal Richelieu soeda angkat akoe djadi luitenant.“
— „Begitoe, dan kau ingin Kardinaal Mazarin angkat kau djadi kapitein?“
D'Artagnan manggoet.
„Itoe does oeroesan ada perkara jang bisa kedjadian. Kita nanti liat sadja, Toean du Vallon, kau lebi soeka bekerdja di mana, di dalem kota atawa di loearan?“ menanja Mazarin.
Porthos maoe menjaoet, tapi d'Artagnan soeda doeloeken padanja.
„Monseigneur, toean du Valllon ada sama dengen akoe kemaoeannja; ja soeka pada pakerdja'an di loear biasa jang laen anggep Boesa atawa tiada bisa dikerdjaken.“
Djawabannja ini orang Gaeconje soeda bikin Mazarin djadi soeka hatinja dan ia tinggal diam berpikir.
„Akoe maoe bilang pada kau,“ kata Kardinaal, „akoe panggil kau poelang boeat pertjajaken kau satoe pakerdjaken tetep; akoe kwatirken . . . . He! ada apa begitos riboet?“
Itoe koetika ada kadengeran soeara riboet di loear kamar dan ampir itoe waktoe djoega saorang jang pakeannja penoe dengen aboe soeda dateng lari masoek dalem kamar.
„Toean Kardinaal? Di mana adanja toean Kardinaal?“ kata itoe orang.
Mazarin kira orang dateng maoe boenoe padanja, ia lompat moendoer dari tempatnja
Doeapoeloe Taon Blakangan
41
