— 320 —
pada oewang, itoe perkata'an ada sampe tjoekoep boeat bikin ia taro enda pada orang jang mempoenjaken banjak harta.
„Limapoeloe riboe francs keasilan satoe taon,“ kata Porthos jang baroe kaloearken soeara dari wates ia ada dalem kamarnja Kardinaal.
„Djadi tjoema boeat toeroet akoe poenja fihak?“ kata Mazarin dengen tersenjoem; „boeat bela pada akoe sadja ?“
„Monseigneur brangkali tiada begitoe pertjaja pada itoe perkataan ?“ kata d'Artagnan.
„Dan kau, toean Gasconjer, begimana kau poenja pikiran dari itoe perkara ?“ kata Mazarin.
— „Akoe poenja pikiran, itoe perkata'an toeroet orang poenja fihak atawa bela sala satoe orang, ada sebagi satoe nama jang moesti ada samboengannja. Masing masing orang ada poenja roepa roepa adat, tapi selamanja, djikaloe kita berboeat kebaean boeat laen orang, tentoe ada maksoednja.“
— „Dan kau poenja sobat, seabisnja ia bela akoe, apa maksoednja ?“
„Monseigneur, akoe poenja sobat ada poenja tiga tana besar; jang kesatoe Vallon, pernanja di Corbell; kadoea Bracieux di Soissonais dan katiga Peirrefonds di Vallois; la ingin, soepaja pada sala satoe dari itoe tiga tana diatoer, soepaja toean tananja dapet gelaran baron.“
„Tiada ada laen lagi ?“ kata Mazarin jang djadi sanget girang bisa dapet pertoeloengannja Porthos dengen tiada oesa kaloearken oewangnja; „tjoema sebagitoe sadja ? Itoe perkara gampang dioeroes.“
„Akoe boleh djadi Batoe baron ?“ menanja Porthos dengen madjoe satoe tindak.
„Akoe soeda kasi kau taoe lebi doeloe,“ kata
