— 300 —
ternja itoe lapangan ada tembok jang tinggi.
Boeat dateng di itoe lapangan orang moesti liwatken tiga pintoe jang di koentji dengen laen laen roepa koentji dan itoe lapangan ada djadi tingkatan kasatoe, djadi boekan sama rata dengen tana.
Sesampenja di itoe lapangan Grimaud doedoek di pingir tembok, di mana ada satoe lobang boeat liat kalosar, di sana Grimaud ajoen ajoen kakinja di betoelan itoe lobang, dengen apa ia maoe bilang, tangga dari tali moesti di pasang di itoe tempat.
Maski hertog mengarti trang itoe tanda tanda jang Grimaud kasi, La Ramee tiada mengarti satoe apa.
Sigra iaorang moelai maen dan ini kali hertog betoel lagi moedjoer, itoe bola bola ia bisa lempar di mana ia soeka, hingga La Ramee kala itoe partij.
Pada ampat soldadoe jang toeroet ka itoe tempat boeat pendjaga dan poengoet itoe bola bola sasoedanja iaorang brenti maen, hertog soeda kasi persent doea oewang mas boeat pergi minoem atas ia poenja keslametan.
Itoe ampat pendjaga lantes minta idzin pada La Ramee, tapi ia kasi taoe jang itoe ampat orang dapet itoe idzin pada djem anem sore, kerna itoe koetika La Ramee perloe moesti oeroes sedikit kerdja'an dan tiada soeka jang orang kasi tinggal hertog saorang diri.
Koetika lotjeng berboenji djem anem, barang makanan jang maoe di dahar pada djem toedjoe soeda di bawa dateng. Di mana buffet ada keliatan satoe pastel raksasa dan koelitnja jang keliatannja mengkilap koening bikin orang djadi
