— 299 —
minoeman jang lebi baek, jaitoe champagne merk Chambertin.
Itoe pagi La Ramee lantaran kwatir boleh djadi kepiran soeda pergi pada toekang roema makan boeat ingetken lagi ia poenja pesenan. Toekang roema makan tiada djawab banjak padanja, tapi ia adjak La Ramee masoek di dapoer, di mana ia kasi liat satoe pastel besarnja sebagi satoe topi besar, di atasnja ada di goeba tjap kabesaran dari hertog de Beaufort. Dari itoe pastel baroe mateng koelitnja sadja sedeng di deket itoe koelit pastel soeda ada satoe fasant (ajam oetan di Europa jang besarnja ampir sama dengen ajam dari Tiongkok) jang soeda bersi di tjaboet boeloenja, hingga La Ramee soeda djadi ngiler.
Kabetoelan itoe hari lantaran ada hari raja, toean de Chavigny maoe pergi melantjong pada satoe sobatnja di provincie dan sraken ia poenja pakerdja'an pada La Ramee, lantaran mana itoe koetika ini officier politie djadi wakil gouverneur.
Grimaud poenja moeka itoe hari keliatannja ada lebi mengkroet dari biasa.
ltoe hari hertog dan La Ramee ada maen kaats; satoe tanda dari Grimaud kasi mengarti pada hertog jang ia moesti liat dengen teliti sekalian perkara jang ia nanti dapetken.
Grimaud jang djalan di moeka sengadja ambil laen djalan dengen apa ia maoe bilang, itoe malem iaorang moesti ambil itoe djalan. Permaenan kaats di maenken di satoe lapangan dalem benteng jang ada berpisa dari tempat tempat orang hoekoeman dan itoe tempat tjoema di djaga djikaloe hertog ingin maen kaats, satoe perkara jang sabenernja tiada perloe, kerna di sapoe-
