— 2 —
ambil perdoeli prentanja Radja, orang orang bangsawan tiada banjak keliatan di astana karadjaän, tapi berboempoel di loearan dengen niatan koerang baek; persobatan dengen laen karadjaän koerang baek, itoe semoea perkara menjataken, Kardinaal de Richelieu soeda tiada ada lagi.
Laen dari itoe boeat boektiker, kekwasaännja Kardinaal tiada dihargaken lagi, dalem astana nja tiada ada keliatan satoe orang bangsawan, sedeng di depan dan di sampingnja itoe astana ada banjak soldadoe berkoem poel; dari sebla loear ada kader geran swara sanget rioe dari orang orang jang bersoerak dan bikin riboet, dengen apa pendoedoek kota Parijs maoe kasi njata, iaorang tiada soeka pada ini Kardinaal; kadang kadang ada kadengeran swara tembakan, tapi boekan ditembaken pada sala s toe moesoe atawa pada pendjaganja Kardinaal, tapi tjoema boeat kasi inget sadja, rahajat negri djoega ada poenja sendjata api boeat bé a iaorang poenja hak.
Itoe bajangan Richelieu namanja Mazarin.
Kardinaal Mazarin ada doedoek saorang diri dan rasa dirinja tiada sanggoep toelak itoe bahaja jang maoe dateng dari fihak rahajat ne gri.
„Saorang asing! satoe orang Italiaan!' ja pikir dalem bati. „Begitoe satoe bagian besar dari rahajat negri namaken akoe! Tjoema dengen itoe alesan sadja iaorang soeda boenoe, gantoeng dan robek Concini (Mazarin dan Concini doea doea ada orang Italiaan) dan seandenja akoe tinggal diam sadja, tentos iaorang nanti boenoe, gantoeng dan robek akoe djoega, seieng akoe tiada ada berboeat djahat pada iaorang, tjoema
