BOEKOE TJERITA
DOEAPOELOE TAON BLAKANGAN.
(Samboengan tjerita „Tiga panglima prang").
Ditjeritaken oleh KWEE KIM HONG.
I.
Dalem satoe kamar dari astana Palais Cardinal, deket satoe medja atas mana ada keliatan banjak boekoe boekoe dan soerat soerat, ada doedoek satoe orang jang lagi toendjang ia poenja kepala dengen kadoea tangannja.
Di blakangnja itoa orang, api dari dapoer boeat bikin panas kamar ada menjala trang, kerna toempoekan kajoe jang soeda ditaro di atas api telah menjala sama sekali. Tjahjanja itoe api ada trangken blakangnja itoe orang jang berpake pakean dari soetra ditaboer, sedeng di sebla depannja tjoema ada bebrapa lilin boeat bikin trang itoe kamar.
Djikaloe dipandang itoe pakean, itoe moeka poetjet jang lagi berpikir, dengen swara tindakan soldadoe jang djaga di sebla loear, orang nanti doega, Kardinaal de Richelieu masi ada dalem itoe kamar.
Tapi boekan begitoe: orang jang ada dalem itoe kamar tjoema bajangan sadja dari itoe Kardinaal jang kesohor. Hal karadjaän Frans soeda djadi lema, rahajat negri tiada begitoe
Doeapoeloe taon blakangan
1
