— 294 —
dengen prentanja Allah ada djega pada itoe Radja.
Pada itoe masa sekalian orang anggep meninggalnja itoe Kaadinaal sebagi satoe kalepasan dari hoekoeman dan akoe sendiri, lantaran loepa dan toeroet pada laen laen orang poenja maoe, bebrapa kali soeda tjega dan djadi halangan dari pakerdja'annja itoe orang besar, jang dalem tangannja ada itoe kekwasa'an besar boeat bikin ini negri djadi baek atawa koesoet. Jang akoe dengen akoe poenja kawan tiada djadi binasa koetika moesti berbanta padanja, akoe kira tjoema sengadja dibikin soepaja kamoedian akoe bisa poedji ia poenja pakerdja'an, oleh kerna itoe akoe maoe bilang pada kau, Raoul, selamanja kau moesti kenal perbeda'an antara Radja dan Karadja'an; Radja itoe tjoema satoe menoesia blasa sadja, tapi satoe Karadja'an orang tjoema bisa dapet dengen takdirnja Allah. Maka djikaloe ada kedjadian perkara jang bikin kau poenja pikiran djadi sangsi, inget pada ini perkara dan selamanja kau moesti toeroet pada fihak Karadja'an. Kau poenja keada'an nanti djadi sanget berbeda dengen akce, akoe doeloe dapetken satoe minister jang kekwasa'annja besar dan satoe Radja jang tiada goenanja, kau nanti dapetken satoe Radja dengen tiada ada ministernja Djadi kau boleh bekerdja pada Radja, tjinta dan hormat padanja Djikaloe itoe Radja bikin tingka lakoe tiada pantes, sebab Baorang diangkat tinggi bisa djadi poesing pikirannja dan berboeat perkara perkara dengen tiada berpikir lebi doeloe, dan kau moesti inget jang kau ada djadi hambanja Karadja'an, jaitoe pakerdja'annja Allah, jang tjoema adaken satoe Radja boeat didjadiken satoe badan jang boleh
