— 295 —
djalanken itoe pakerdja'an menoeroet kemaoeannja.
„Akoe nanti poedji Allah, toean,“ kata Raoul, dan hormat Karadja'an. „Akoe nanti bekerdja di bawa prentanja Radja dan maoe tjoba djikaloe akoe moesti boeang akoe poenja djiwa, soepaja itoe perkara kedjadian boeat kaperloeannja Radja, Karadja'an atawa Allah. Apa akoe soeda mengarti toean poenja maksoed?“
Athos tersenjoem.
„Kau ada poenja hati moelia, Raoul, trima ini pedang,“ kata Athos.
Raoul tekoek loetoetnja di tana.
„Ini pedang,“ kata Athos, „doeloe dipake oleh akoe poenja ajah. Kamoedian akoe jang pake dan kadang kadang djikaloe akoe pegang gagangnja. sedeng saroengnja ada tergantoeng kosong di akoe poenja samping, akoe bikin ini pedang poenja deradjat djadi lebi tinggi. Djikaloe ini pedang masi kebratan boeat kau poenja tangan, akoe kira itoe perkara ada djadi lebi baek, kau djadi dapet banjak tempo dan nanti tjaboet sadja padanja, pada waktoe ia moesti bertjahja.“
„Toean, kata Raoul sedeng tangannja pegang itoe pedang; apa jang akoe ada, semoea ada toean poenja pengasi, tapi ini pedang ada barang jang paling berharga dari semoeanja barang jang akoe soeda trima. Akoe soempa nanti pake padanja, sebagimana baroesnja saorang jang tiada moesti loepaken ini boedi“
Raoul tjaboet itoe pedang jang tjloem pinggirannja.
„Itoe betoel,“ kata Athos, „sekarang kau boleh bangoen burggraaf, soepaja kita bisa pelok satoe pada laen.“
