— 292 —
― „Akoe kira kau tiada nanti bisa soesoel padanja Raoul; kerna akoe perloe bitjara doeloe pada kau dan apa jang maoe dibitjaraken ada pandjang djoega, hingga itoe orang ada sampe tempo boeat djadi banjak lebi doeloe dari kau.“
― „Begimana toean soeka.“
Dengen begitoe iaorang soeda sampe di depan gredja Saint Denis.
„Mari kita toeroen, Raoul,“ kata Athos, sedeng pada pengikoetnja ia bilang, „djaga kita poenja koeda Olivain dan kasi akoe itoe pedang“
Athos ambil pedang jang pengikoetnja seraken padanja dan ia berdoea masoek dalem gredja.
Pada satoe pendjaga gredja Athos bitjara bebrapa perkata'an, itoe orang manggoet dan djalan menoedjoe ka tempat koeboeran.
„Mari djalan di sini; Raoul,“ kita toeroet pada ini orang.“
Itoe orang boeka satoe pintoe hek dari besi, pintoe dari roeangan di mana Radja radja dari negri Frans serta familienja telah dikoeboer; itoe pendjaga tinggal berdiri di atas, sedeng Athos dan Raoul toeroen di tangga. Di sebla bawa itoe kamar ditrangken dengen satoe lampoe dari perak, sedeng ditenga roeangan, atas satoe bangkoe dari kajoe wangi ada di taro satoe peti mati ditoetoep dengen bloedroe dadoe ditaboer dengen bintang bintang dari mas.
Raoul jang memang hatinja soeda sedi kerna moesti berpisa dari Athos djadi bisa masoek dalem itoe kamar dengen sepantesnja, jaitoe berlakoe sedi dan dengen topinja di pegang dalem tangannja ia hampirken itoe peti, dalem mana ada lajonnja almarhoem Radja Lodewijk XIII, jang menoeroet adat kebiasa'an di negr
