— 291 —
barisan kau dapet loeka dan djato dari koeda, dengen tjepet kau moesti singkirken kau poenja diri, apabila kau masi ada itoe tenaga, kerna djikaloe itoe barisan moendoer dengen ambil itoe djalan djoega, boleh djadi kau nanti djadi binasa lantaran di indjek koeda Tapi biar begimara djoega, djikaloe kau dapet loeka dengen sigra kau moesti kabarken itoe perkara pada akoe atawa minta pertoelcengannja laen orang, kerna akoe mengarti hal bikin baek loeka,“ kata poela Athos dengen tersenjoem.
„Trima kasi toean,“ kata Raoul dengen soeara dalem lantaran hatinja sedi.
„O kita soeda sampe di Saint Denis,“ kata Athos.
Iaorang sampe dibetoelan pintoe kota jang didjaga oleh doea soldadoe. Satoe antaranja kata pada ia poenja kawan:
„Lagi satoe bangsawan moeda jang roepa roepanja maoe pergi di medan prang.“
Athos menengok. Apa djoega jang ada berhoeboeng dengen perkaranja Raoul dianggep penting oleh Athos.
„Begimana kau bisa taoe itoe perkara,“ Athos tanja.
„Pada tingka lakoenja, toean,“ djawab itoe soldadoe, „Oemoernja memang sedeng boeat itoe perkara dan ia ada jang kadoea di ini hari.“
„Ini pagi soeda ada laen anak moeda sebagi akoe liwat di sini?“ menanja Raoul.
„Ja dan roepanja la ada toeroenan moelia! Ia doedoek dalem satoe kreta bagoes. Orang bisa dapet doega jang ia ada anaknja saorang hartawan.“
„Ia nanti djadi akoe poenja teman didjalan,“ toean, kata Raoul, „tapi ia tiada nanti bisa saingin temen jang akoe tinggalken.“
