— 290 —
Begitoe djoega kau poenja sala pada waktoe maen anggar,“ kata poela Athos. „Kau sanget soeka menjerang kau poenja moesoe, akoe taoe anak moeda sebagi kau memang daranja ada lebi panas; tapi pada waktoe kita menjerang kita poenja badan djadi bergerak dan itoe pedang djadi sedikit melajang dan seandenja kau dapet moesoe saorang jang hatinja taba, dengen gampang ia bisa bikin kau poenja sendjata djadi terlepas dari tangan, atawa itoe toesoek kau dari depan.“
„Itoe betoel toean, sebab toean soeda kenaken akoe bebrapa kali dengen itoe djalan, tapi tiada ada banjak orang ada begitoa gaga dan pande sebagi toean.“
„Anginnja sedjoek,“ kata Athos, „moesin dingin blon ilang sama sekali. Sablonnja akoe loepa, akoe maoe basi inget lebi doeloe dikaloe kau ada dihadepan moesoe, dan ini perkara tentoe nanti kedjadian, kerna kau soeda dipoedjiken pada satoe laksamana jang sanget soeka bertanding dengen moesoe, kau moesti inget djikaloe bertanding satoe pada sa'oe sedeng naek koeda djangan sekali kau tembak bermoela. Siapa jang menembak bermoela djarang kena tembak moesoenja, kerna waktos ia menemak hatinja kwatir, apabila ia tembak sala, tiada keboeroe bales menembak lagi sedeng moesoe poenja sendjata api masi berisi. Dan djikaloe moesoe tembak lebi doeloe bikin soepaja kau poenja koeda berdjing krak! dengen itoe perboeatan akoe soeda bisa toeloeng akoe poenja djiwa bebrapa kali.“
„Akoe nanti toeroet toean poenja nasehat.“
„Ada lagi satoe perkara penting jang kau tiada boleh loepaken, Raoul,“ kata Athos „djikaloe pada waktos menjerang dengen seantero
