— 289 —
sanget penting boeat satoe orang jang toenggang koeda. Tjoba liat! kau poenja koeda soeda kaloear kringet sampe berboesa sedeng koeda jang akoe toenggang blon sekali keliatan tjape. Kau djangan tahan stangnja begitoe kras, moeloetnja djadi brat dan kau tiada nanti bisa kasi ia lari kras lagi sebagimana kau soeka. Djiwanja satoe panglima prang aring tergantoeng dari kebaean koedanja. Inget lagi delapan hari kau boekan naek koeda boeat soeka soeka tapi kau nanti ada di medan prang.“
Seabisnja berkata begitoe, roepa roepanja saking kwatir jang Raoul nanti djadi kesel lantaran itoe tegoran, Athos lantes kata:
„Tjoba kau liat itoe tempat begitoe rata, Banget bagoes boeat tempat memboeroe snip.“
Raoul menengok ka tempat jang di oendjoek oleh Athos, tapi hatinja berpikir begimana Athos bisa kasi tegoran dengen swara manis.
„Baroe ini akoe ada liat djoega laen perkara jang koerang baek“, kata Athos, „jaitoe kaulepas sampe abis kau poenja tangan pada waktoe kau tembaken kau poenja pistol. Itoe perkara ada koerang baek sebab itoe tangan djadi gampang bisa bergerak. Koetika kau tembak doeablas kali ada tiga kali jang sala.“
„Sedeng kau tembak doeablas kali sama sekali kena, toean,“ kata Raoul.
„Sebab akoe poenja tangan akoe senderken betoel di mana sikoet tangan kiri dan tiada lebi dari betoelan nadi sadje. Apa kau mengarti akoe poenja perkata'an, Raoul.“
Ja, toean, seabisnja kita menembak berdoea, akoe soeda pahamken lagi itoe perkara saorang diri, dan sekarang tiada bikin begitoe banjak sala lagi.
Doea poeloe taon blakangan
36
