— 286 —
lantaran satoe prempoean. Koetika inget ini perkara, ia pikir dan kwatir jang Raoul satoe tempo nanti boleh dapet djoega satoe bahaja begitoe roepa dan lantaran pikir itoe perkara matanja kaloear aer.
Itoe koetika Raoul djadi sedar dan itoe tidoer soeda bikin ia djadi seger kombali, perkara tjape dari hari kemaren soeda ilang sama sekali. Koetika ia boeka matanja ia dapet liat Athos dan ia lantes mengarti apa jang Athos lagi pikirken, jaitoe sebagi satoe anak moeda jang lagi toenggoe ia poenja ketjinta'an; Raoul poenja moeka lantes beroba djadi girang.
„Kau soeda berdiri di sitoe, toean? ia tanja dengen hormat.“
„Ja, Raoul, akoe ada di sini.“
„Dan kau tiada bikin bangoen pada akoe?“
„Akoe sengadja maoe kasi kau tinggal poeles lebí lama, kemaren kita soeda djalan banjak dan sampe malem, tentoe itoe perkara soeda bikin kau djadi tjape.
„Ach, toean, betoel baek !“ kata Raoul.Athos tersenjoem.
„Begimana kau rasadiri kau ? tanja Athos
„O, sampe baek, toean, seger, ilang tjapenja dan goembira„
„Akoe tanja kau itoe perkara,“ kata Athos dengen pandang Raoul, „kerna kau masi mem- besarken dan satoe anak moeda rasaken perkara tjape badan lebi brat dari saorang jang soeda sampe oemoer.
„O, toean,“ kata Raoul jang djadi maloe Athos begitoe kwatir ia poenja kewarasan „akoe maoe berpake dan tiada lama lagi tentoe soeda sedia.
Athos panggil Olivain dan sapoeloe minuut kamoedian, Raoul jang soeda biasa selamanja
