— 285 —
dapet liat jang itoe malem ia tidoer koerang senang. Athos jang biasanja hatinja taba dalem roepa roepa perkara jang berbahaje, ini pagi keliataanja sebagi orang jang bingoeng dan koerang tetep pikirannja.
Itoe pagi ia oeroes bikin betoel barang barang jang Raoul perloe bawa. Bermoela ia sendiri gosok satoe pedang jang dikasi kaloear dari satoe saroeng dari Koelit, ia preksa apa itoe sendjata soeda djadi sampe tadjem dan apa bandnja ada sampe koeat.
Dalem Koffernja Raoul ia taroken bebrapa banjak oewang mas, panggil Olivain pengikoetnja jang ia bawa dari Blois dan prenta boeat isi itoe koffer, dengen barang barang jang satoe anak moeda jang maoe pergi di medan prang perloe moesti bawa.
Satoe djem kamoedian koetika itoe sekalian perkara soeda beres ia boeka pintoe kamarnja Raoul dan dengen plahan ia masoek.
Tjahja matahari soeda masoek dan bikin trang itoe kamar kerna kemaren sore Raoul soeda loepa kasi toeroen gordijn di depan djendela. Itoe anak moeda: masi tidoer poeles dengen ia poenja kepala ketekoek di atas tangannja, ramboetnja jang pandjang ada toetoep satoe bagian dari ia poenja moeka.
Athos hampirken anaknja dan awasin Raoul poenja moeka jang tersenjoem dalem tidoernja. Lantaran pandang moekanja itoe anak moeda kelamaan Athos djadi inget kombali waktoe ia sendiri masi moeda. Ia inget begimana keidoepannja soeda dapet begitoe banjak bahaja, tapi itoe sekalian perkara ia tiada begitoe perdoeliken, tjoema ia tiada bisa loepa begimana satoe bagian besar dari ia poenja keidoepan soeda djadi roesak
