— 284 —
Seabisnja berkata begitoe ia tolak Raoul dan prenta koesiraja boeat brangkat poelang, sedeng Raoul jang balik ka dalem roema roepanja ada sanget bingoeng.
Athos soeda doega apa jang bakal kedjadian dan ia tersenjoem koetika ia dapet liat Raoul poenja moeka mera.
„Mari toeroet akoe, burggraaf,“ kata Athos „soeda temponja kita poelang; besok kau moesti brangkat pada balatentaranja toean Prins dan ini malem kau moesti bikin senang kau poenja badan.“
„Akoe djadi dapet pakerdja'an militair, toean?“ kata itoe anak moeda, „O, toean, akoe mengoetjap trima kasi.“
„Slamet tinggal graaf,“ kata padri d'Herblay, „akoe poelang ka klooster.“
„Slamet malem, padri,“ kata coadjutor pada Aramis, „besok akoe moesti angkat bitjara di hadepan orang banjak dan maoe pikir, lebi doeloe itoe perkara ini malem.“
„Slamet tinggal toean toean,“ kata Athos, „akoe maoe tidoer troes doeapoeloe djem lamanja, kerna akoe rasaken sanget tjape.“
Iaorang lantes djalan kaloear di lerek oleh padri Scarron jang dalem hatinja kata:
„Satoe tiada nanti berboeat sebagimana ia soeda berkata, tapi biarken sadja iaorang bekerdja, itoe orang orang gaga! Siapa taoe brangkali iaorang nanti djadi lantaran jang akoe dapet lagi akoe poenja gadji.
— — — —
XXIV.
Besok paginja koetika mata hari baroe terbit Athos soeda bangoen dan berpake; dari moe. kanja jang lebi poetjet dari biasa orang bisa
