— 283 —
„Abis?“" menanja Athos.
„Besok,“ kata Aramis dengen tjepet.
— „Djem brapa?“
— „Djem anem.“
— „Di mana?“
— „Di Saint Mande.“
— „Siapa soeda bilang begitoe pada kau?“
— „Graaf de Rochefort.“
Itoe koetika ada orang dateng hampirken iaorang.
„Akoe ada setoedjoe dengen pikirannja coadjutor, jang toean Voiture ada satoe pengarang sair jang pande,“ kata Aramis.
„Betoel ia pande mengarang, tapi karangannja ada diloear biasa,“ kata toean Menage.
Bebrapa lama iaorang bitjaraken toean Voiture jang soeda karang satoe sair boeat menjindir pada Ratoe Anna van Oostenrijk.
Seabisnja berkata begitoe njonja hertogin berbangkit dari tempatnja dan minta ia poenja kreta, laen Djonja njonja soeda ada banjak jang poelang.
„Burggraaf,“ kata Athos pada Raoul, „toeroet pada njonja hertogin dan minta soepaja kau boleh dandan padanja waktoe toeroen tangga dan sedeng kau anter padanja, kau boleh mengoetjap trima kasi boeat ia poenja pertoeloengan.
Raoul anter hertogin de Chevreuse sampe di dalem kreta kretanja. Sasoedanja doedoek hertogin kasi tangannja di tjioem oleh Raoul, tapi itoe hertogin tiada bisa tahan hatinja lagi dan dengen tjepet ia pegang kepalanja Raoul dan tjioem diidatnja, dengen berkata:
„Burggraaf, akoe harep apa jang akoe inginken bagi kau bisa kedjadian dan ini tjioem bisa bikin kau djadi beroentoeng.“
