— 249 —
— „Begitoe, dan barang makan apa kau soeda pesen, toean hofmaarschalk?"
—„Monseigneur soeda berdjandji boeat seraken itoe perkara pada akoe."
—„Apa ada pastelnja ?"
—„Tentoe dan besarnja sebagi satoe mertjoe.“
—Dibikin oleh itoe orang jang bli roema makannja Marteau ?
—„Itoe barang makanan di pesen di sana."
― "Apa kau soeda kasi taoe padanja itoe pastel ia moesti bikin boeat akoe ?“
—„Ja, Monseigneur."
—„Apa ia soeda djawab ? “
—„Ia maoe berdaja boeat bikin senang Monseigneur poenja hati."
„Itoe bagoes!' kata hertog dengen koesek koesek tangannja.
—„Monseigneur, kau nanti djadi saorang jang soeka dahar barang barang makanan jang lesat rasanja ! Dalem lima taon jang kau ada di sini akoe blon taoe liat Monseigneur poenja moeka begitoe trang !"
Hertog dapet inget jang ia koerang pande maen komedie, tapi djoestroeitoe waktoe, brangkali djoega lantaran ia seeda pasang koeping di sebla loear pintoe dan dapet denger apa jang telah dibitjaraken, hingga ia anggep perloe dateng roba pikirannja La Ramee, Grimaud dateng masoek dan dengen satoe tanda ja kasi taoe apa jang ia ingin bitjara pada La Ramee.
La Ramee hampirken Grimaud jang lantes bitjara padanja dengen berbisik.
Dalem itoe tempo hertog soeda djadi tetep lagi pikirannja
„Akoe soeda bilang itoe orang tiada boleh
Doeapoeloe taon blakangan
32
