— 24 —
,akoe adjak kau kemari, kerna akoe maoe tanja, apa kau ada liat itoe luitenant musketier.
,,Toean d'Artagnan ? menanja Guitaut.
— ,,Ja."
— ,,Akoe tiada oesa liat lagi padanja, Monseigneur, akoe soeda kenal lama padanja.
— ,,Orang matjem apa itoe officier ?"
,,Ja, apa akoe maoe bilang," kata Guitaut jang djadi kaget denger itoe pertanjaän, ia ada satoe orang dari Gasconje."
,,Ja, akoe taoe itoe perkara," kata Kardinaal, ,,akoe tjoema maoe taoe, apa ia ada saorang jang boleh dipertjaja."
— ,,Toean de Treville pandang dan hargaken tinggi iapoenja persobatan dengen d'Artagnan, dan sebagimana Eminentie taoe, toean Treville ada satoe antara Sri Ratoe poenja sobat baek."
— ,,Akoe ingin taoe apa ia soeda kasi kenjataän dari sala satoe kebaean jang ada dalem dirinja.
— Djikaloe maoe ditanja, apa ia ada satoe soldadoe jang gaga, akoe brani bilang dengen pasti, ada begitoe roepe. Akoe tetah dapet denger, koetika maloemken prang di La Rochelle, di sela goenoeng di Suze dan di Perpignan, ia telah berboeat perkara, lebi dari apa jang ia wadjib kerdjaken."
— ,,Tapi kau, Guitaut, tentoe mengarti, kitaorang mantri mantri perloe ada orang jang selaennja dari gaga moesti tjerdik djoega. Apa toean d'Artagnan pada waktoe Kardinaal doeloe pegang pamerentahan negri, tiada ada ketarik dalem sala satoe perkara, jang menoeroet pikiran orang banjak, ia soeda bela dirinja dengen sanget tjerdik?"
,,Tentang itoe perkara, Monseigneur," kata
