— 25 —
Guitaut jang soeda mengarti Kardinaal maoe pantjing ia bitjara dari perkara perkara di doeloe hari, akoe kepaksa kasi Eminentie taoe, akoe tiada taoe lebi banjak dari apa orang banjak soeda tjerita. Akoe tiada soeka tjampoer dalem laen orang poenja oeroesan dan djikaloe ada jang soeda tjeritaken perkara begitoe roepa pada akoe, itoe resia boekan akoe poenja Eminentie tentoe soeka kasi akoe idzin boeat simpen djoega itoe resia."
Mazarin gojang kepalanja.
,,O, ia kata, ,,beroentoeng betoel itoe mantri-mantri jang bisa dapet taoe apa jang iaorang ingin dapet taoe."
,,Monseigneur," kata poela Guitaut, itoe perkara kedjadian sebab iaorang tiada timbang semoea orang sama rata: orang militair diprenta oeroes perkara prang dan orang orang jang pande tjari resia diprenta djalanken itoe oeroesan. Tjoba Monseigneur tjari satoe biasa djalanken itoe pakerdjaän jang blakengan pada masa Kardinaal dari itoe orang Monseigneur nanti dapet taoe apa jang Monseigneur ingin dapet taoe, tapi djikaloe ia dibajar betoel."
,,Pardieu! kata Kardinaal dengen moeka sedikit meringis, satoe perkara jang ia tiada bisa tjega lagi, tiap tiap kaloe oeroesan oewang moesti kaloear ada dibitjaraken, ,,kaloe moesti .... orang nanti bajar padanja."
— ,,Apa Monseigneur dengen soenggoe hati ingin akoe oendjoek satoe orang jang doeloe soeda tjampoer dalem roepa roepa perkara boesoek ?
— Per Bacco ! soeda satoe djem lamanja akoe minta itoe perkara, tapi kau bikin sebagi{{
Doeapoeloe taon blakangan
4
