— 246 —
pendjara Vincennes dan itoe tempo jang liwat tiada di rasaken lamanja, tapi itoe ampatpoeloe delapan djem jang masi berselang antara itoe hari sampe hari raja Pinksteren, ia rasaken ada sanget plahan liwatnja.
Dan laen dari itoe ada lagi satoe perkara jang ia tiada brentinja pikirken, jaitoe begimana orang maoe tjoba toeloeng ia kaloear dari tempat toetoepannja. Betoel orang telah kasi taoe padanja jang ia nanti tentoe bisa lari, tapi apa maksoednja itoe pastel? Sobat sobat jang mana ada menoenggoe padanja? Soeda lima taon lamanja ia dihoekoem dan masi dalam sobat jang setia? Ia ada lebi beroentoeng dari satoe Radja, jang tentoe lantes tiada ada jang maoe kenal glas apabila kekwasa'annja soeda abis.
Tapi itoe hertog loepa jang selaennja dari ia poenja sobat sobat masi ada saorang prempoean jang inget padanja, satoe perkara diloear biasa; boleh djadi jang itoe njonja tiada setia betoel padanja, tapi jang ia tiada loepa sama sekali pada hertog, ini soeda boleh dibilang beroentoeng betoel.
Tiada oesa dibilang lagi jang lantaran itoe pikiran perkara maen tjatoer tiada bisa djadi betoel, tapi dengen begitoe ia soeda ilangken temponja sampe djem delapan malem.
Hertog pikir tiada lama lagi soeda malem dan ia moesti masoek tidoer dan di waktoe tidoer ia nanti loepaken itoe sekalian perkara. Tapi tidoer djoega tiada bisa djadi poeles, ia boelak balik di atas pembaringannja sampe liwat tenga malem dan baroe ia djadi poeles.
Koetika soeda ampir pagi ia djadi mendoesin lantaran satoe impian, ia telah mengimpi ada poenja sajap dengen apa ia soeda terbang kaloear
