— 245 —
— „Apa Monseigneur masi djoega pertjaja bisa kaloear dari sini?“
„Tentoe,“ kata hertog,“ boleh djadi seabisnja Mazarin meninggal. Akoe ada limablas taon lebih moeda dari Mazarin, tapi akoe loepa jang di sini orang idoep lebi tjepet.“
„Monseigneur!“ kata La Ramee.
— „Atawa di sini orang mati lebi tjepet dan pengabisannja sama djoega.“
„Monseigneur,“ kata La Ramee, „akoe pergi pesen itoe pastel.“
— „Apa kau kira kau nanti bisa bikin akoe djadi satoe moerid jang radjin?“
— „Akoe harep begitoe, Monseigneur.“
„Djikaloe kau masi ada itoe tempo,“ hertog berkata dengen sanget plahan.
— „Apa akoe boleh dapet taoe apa jang Monesigneur soeda berkata baroesan?“
— „Akoe bilang, kenapa akoe moesti sajang oewang jang Mazarin moesti kaloearken boeat akoe poenja oeroesan.“
La Ramee djalan tapi dibetoelan pintoe ia brenti dan menanja:
„Siapa akoe moesti kirim kemari?“
— „Siapa sadja, selaennja dari Grimaud.“
— „Officier jang lagi djaga?“
— „Dengen papan tjatoernja.“
— „Baek.“
La Ramee djalan kaloear.
Lima minuut kamoedian officier jang djaga dateng dengen bawa satoe papan boeat maen tjatoer, tapi soeda tentoe dengen itoe permaenan hertog berlakoe sama sebagi ia soeda berboeat koetika maen kaats.
Hatinja tiada pikirken ia poenja keada'an; lima taon lamanja ia soeda ada dalem
