— 241 —
saorang jang tjerdik dan setia pada kita poenja fihak.
Hertog lantes bakar itoe soerat sebagimana ia soeda berboeat djoega dengen soerat jang ia trima dari hertogin de Monthbazon. Itoe bola djoega ia maoe bakar, tapi ia inget brangkali nanti boleh di goenaken boeat kirim balesan kaloear.
Maski pintoenja di koentji dari loear ada jang djaga, kerna baroe sadja ada kadengeran hertog poenja tindakan dalem kamar, La Ramee lantes masoek dan menanja:
„Apa Monseigneur ada perloe apa apa?“
„Akoe kedinginan,“ hertog menjaoet, „dan akoe bangoen boeat bikin api menjala lebi besar. Ini kamar soeda terkenal hawanja koerang baek dan djikaloe hawa dingin dalem kamar di tinggalken sadja kamoedan itoe hawa nanti boleh djadi tajoen, sebagimana soeda kedjadian dengen maarschalk d'Ornano dan bebrapa persakitan laen, jang telah meninggal lantaran hawa dalem iaorang poenja kamar soeda djadi ratjoen
Seabisnja berkata begitoe hertog naek kombali di pembaringannja dan semboeniken lagi itoe bola di bawa bantalnja.
La Ramee tjoba boeat tersenjoem tapi tiada bisa. Maski ia djadi pendjaga orang hoekoeman hatinja baek djoega dan lantes kwatir hertog nanti dapet itoe ketjilaka'an sebagimana baroesan telah ditjeritaken.
„Monseigneur djangan pikir perkara begitoe roepa, djoestroe pikiran begitoe jang boleh bikin orang djadi binasa, boekan hawa djelek.“
„Ja, apa maoe dibilang,“ kata hertog, „kau ada saorang jang berboedi dan djikaloe akoe
Doeapoeloe taon blakangan
31
