— 240 —
hingga bikin La Ramee djadi sanget senang hatinja.
Bebrapa bola kena di lempar lagi kaloear, tapi itoe boedjang kebon soeda tiada ada dan hertog sendiri rasa maloe beoeat maen troes, sebab ia maen sanget djelek.
Toean de Beaufort lantes masoek dalem kamarnja dan rebaken dirinja di pembaringan.
Dengen kasi alesan jang pakeannja hertog soeda penoe aboe dan maoe di sikat, La Rames atawa itoe pakean, tapi sabenernja lantaran Grimaud tiada ada boeat gantiken ia djaga, ia atawa itoe pakean soapaja hertog tiada nanti bisa djalan djalan kaloear dari kamarnja.
Baek djoega lebih doeloe hertog soeda semboeniken itoe satoe bola di bawa bantalnja dan baroe sadja pintoe kamarnja di koentji dari loear, ia lantes robek koelitnja itoe bola. Kerna tiada ada barang tadjem boeat potong itoe bola ia moesti goenaken giginja boeat bikin petja koelitnja bola. Di sebla dalem bola ia dapetken satoe soerat, boenjinja begini:
„Monseigneur, kau poenja sobat sobat tiada tinggal diam dan waktoenja boeat kau kaloear soeda deket. Noesa kau moesti minta satoe pastel jang dibikin oleh toean roema makan baroe di depan pendjara, itoe orang ada Noirmont, kau poenja hofmeester. Itoe pastel tjoema moesti moelai di potong djikaloe kau soeda tinggal saorang diri dan akoe harep isinja nanti bikin senang kau poenja hati.
Dari padoeka poenja hamba jang setia
Grasf de Rechefort.
P.S. Grimaud boleh dipertjaja, ia ada
