— 239 —
hertog toeroet sadja. Grimaud poenja pesenan.
Koetika lotjeng blon berboenji djem poekoel doea hertog masi maen sebagimana biasa, tapi koetika soeda djem poekoel doea, jaitoe tempo jang di seboet oleh Grimaud, hertog lantes djadi beroba permaenannja dan bebrapa bola sigra terlempar di loear tembok masoek dalem got dan lantaran satoe bagian besar dari itoe bola soeda masoek di got ampir iaorang tiada bisa troesken itoe permaenan, maka La Ramee soeda voorstel boeat kirim orang poengoet itoe bola di loear, tapi hertog bilang, brangkali di loear ada orang jang lagi bekerdja dan padanja ia boleh minta toeloeng di lemparken kombali bolanja,
Hertog hampirken pinggir tembok dan dari sela trali besi ia dapat liat saorang tani jang lagi tjaboet roempoet.
„He, sobat,“ kata hertog
Itoe orang angkat kepalanja menengok dan ampir sadja hertog tiada tahan dan bertreak lantaran kaget. Itoe orang tani jang ia liat ada graaf de Rochefort jang hertog doega masi ada di pendjara Bastille.
„Ada apa ?“ itoe orang menjaoet.
„Tjoba toeloeng lemparken kombali itoe bola bola,“ hertog menjaoet.
Itoe orang manggoet dan lantes lemparken bebrapa bola toedjoean La Ramee dan orang orang djaga jang laen lantes bantoe poengoet, satoe bola di lemparken di depan kakinja hertog, jang soeda doega itoe bola ada boeat ia sendiri, maka ia lantes djoempoet dan kasi masoek dalem sakoenja.
Sasoedanja mengoetjap trima kasi hertog lantes balik dan troesken permaenannja, tapi itoe hari tiada bisa maen betoel dan kala bebrapa punt,
